AVNL Recruitment 2026 :- मित्रांनो, भारतीय सैन्यासाठी रणगाडे (Main Battle Tanks), लढाऊ वाहने (Infantry Combat Vehicles) आणि इतर संरक्षण सामग्री बनवणाऱ्या केंद्र सरकारच्या ‘आर्मर्ड व्हीकल्स निगम लिमिटेड’ (AVNL) या संरक्षण क्षेत्रातील दिग्गज सार्वजनिक कंपनीत नोकरी मिळवण्याची एक अत्यंत मोठी आणि सुवर्णसंधी चालून आली आहे. संरक्षण मंत्रालयाच्या (Ministry of Defence) अंतर्गत येणाऱ्या या कंपनीने देशभरातील आपल्या विविध कारखान्यांसाठी आणि कार्यालयांसाठी तब्बल १,२१३ रिक्त पदांची अधिकृत जाहिरात प्रसिद्ध केली आहे.

या भरतीचे सर्वात मोठे वैशिष्ट्य म्हणजे यामध्ये ITI उत्तीर्ण (Technician) उमेदवारांसाठी तब्बल १,००५ जागा आहेत, तर उच्चशिक्षित (Executive/Manager) उमेदवारांसाठी २०८ जागा राखीव ठेवण्यात आल्या आहेत. ही नोकरी कंत्राटी तत्त्वावर (Fixed Term Employment) असणार आहे, परंतु यामध्ये मिळणारा पगार, भत्ते आणि सुविधा कोणत्याही कायमस्वरूपी सरकारी नोकरीपेक्षा कमी नाहीत.

AVNL Recruitment 2026 :- तुम्ही जर देशसेवेचे स्वप्न पाहत असाल आणि डिफेन्स सेक्टरमध्ये करिअर करू इच्छित असाल, तर हा लेख तुमच्यासाठीच आहे. या भरतीची ए टू झेड माहिती जसे की महत्त्वाच्या तारखा, पदांचा तपशील, आवश्यक शैक्षणिक पात्रता, पगार, परीक्षा पद्धत, सिलॅबस आणि ऑनलाईन अर्ज कसा करायचा, हे सर्व आपण आजच्या या लेखात अगदी सोप्या भाषेत पाहणार आहोत. लेख नीट वाचा आणि आजच अर्ज करा!

भरतीचे संक्षिप्त विहंगावलोकन (AVNL Recruitment 2026 Overview)

उमेदवारांना या भरतीची प्राथमिक माहिती एका नजरेत समजावी म्हणून खालील तक्ता दिला आहे:

• भरती करणारी संस्था आर्मर्ड व्हीकल्स निगम लिमिटेड (AVNL) – भारत सरकारचा उद्यम, रक्षा मंत्रालय.
• मुख्यालय आवडी (चेन्नई), तमिळनाडू.
• एकूण रिक्त जागा १,२१३ जागा (गटनिहाय: नॉन-एग्झिक्युटिव्ह १,००५ + एग्झिक्युटिव्ह २०८).
• पदांचे स्वरूप : कंत्राटी पद्धत (Fixed Term Employment).
• कालावधी सुरुवातीला ०१ वर्ष (Performance नुसार एकूण ४ वर्षे किंवा आवश्यकतेनुसार वाढवता येणारा).
• अर्ज करण्याची पद्धत ऑनलाईन (ONLINE MODE).
• परीक्षा केंद्र मुंबई, पुणे, नागपूर आणि इतर प्रमुख शहरे.
• ऑनलाईन अर्ज सुरू ११ जुलै २०२६ (सकाळी १०:०० वाजेपासून).
• अर्ज करण्याची शेवटची तारीख २५ जुलै २०२६ (रात्री ११:५५ वाजेपर्यंत).
• अधिकृत वेबसाईट https://avnl.co.in

टीप: फी भरणे आणि कागदपत्रे अपलोड करणे या सर्व गोष्टी २५ जुलै रोजी रात्री ११:५५ पूर्वीच पूर्ण कराव्या लागतील.

AVNL कंपनी नेमकी काय आहे आणि नोकरी कुठे मिळणार? (Work Locations)

अनेक विद्यार्थ्यांना प्रश्न पडतो की आर्मर्ड व्हीकल्स निगम लिमिटेड म्हणजे काय? तर मित्रांनो, ही केंद्र सरकारची संरक्षण उत्पादन करणारी कंपनी आहे. या कंपनीच्या अंतर्गत देशात खालील प्रमुख कारखाने (Units) येतात, आणि निवड झालेल्या उमेदवारांना त्यांच्या पदांनुसार याच ठिकाणी काम करावे लागेल:

• Heavy Vehicles Factory (HVF), आवडी, तमिळनाडू
• Vehicle Factory Jabalpur (VFJ), जबलपूर, मध्य प्रदेश
• Ordnance Factory Medak (OFMK), मेदक, तेलंगणा
• Machine Tool Prototype Factory (MTPF), अंबरनाथ, महाराष्ट्र (आपल्या महाराष्ट्रातील मुलांसाठी हे सर्वात जवळचे केंद्र आहे!)
• याशिवाय चेन्नई, मेदक, अंबरनाथ येथील ट्रेनिंग इन्स्टिट्यूट्स (IOL) आणि नवी दिल्ली व पुणे येथील संपर्क कार्यालयांमध्येही नियुक्त्या दिल्या जाऊ शकतात.

रिक्त पदांचा सविस्तर तपशील (Detailed Vacancy Break-up)

या मेगा भरतीची विभागणी प्रामुख्याने दोन भागांत करण्यात आली आहे – १) नॉन-एग्झिक्युटिव्ह पदे (ज्युनिअर टेक्निशियन) आणि २) एग्झिक्युटिव्ह पदे (मॅनेजर्स व अधिकारी).

पदाचे नाव	एकूण जागा
ज्युनिअर टेक्निशियन (Electrician)	52
ज्युनिअर टेक्निशियन (Electronic Mechanic)	69
ज्युनिअर टेक्निशियन (Electroplater)	04
ज्युनिअर टेक्निशियन [Fitter (General)]	395
ज्युनिअर टेक्निशियन (Foundrymen)	29
ज्युनिअर टेक्निशियन (Forger & Heat Treater)	02
ज्युनिअर टेक्निशियन (Machinist)	242
ज्युनिअर टेक्निशियन (Mechanic Machine Tool Maintenance)	21
ज्युनिअर टेक्निशियन (OMHE at Raw Material Handling Plant)	53
ज्युनिअर टेक्निशियन [Painter (General)]	08
ज्युनिअर टेक्निशियन (Quality Assurance Assistant)	40
ज्युनिअर टेक्निशियन (Rigger)	01
ज्युनिअर टेक्निशियन (Welder)	55

नॉन-एग्झिक्युटिव्ह एकूण जागा १,००५ जागा

आर्मर्ड व्हीकल्स निगम लिमिटेड : एग्झिक्युटिव्ह पदे (मॅनेजर, डेप्युटी मॅनेजर आणि कन्सलटंट)

उच्चशिक्षित आणि अनुभवी उमेदवारांसाठी एकूण २०८ जागा उपलब्ध आहेत. यामध्ये खालील पदांचा समावेश आहे:

ज्युनिअर मॅनेजर (Junior Manager): इलेक्ट्रिकल, इलेक्ट्रॉनिक्स, ह्युमन रिसोर्स (HR), मेकॅनिकल, मेटलर्जी, ऑफिशियल लँग्वेज, आर्टिफिशिअल इंटेलिजन्स (AI), आणि फायनान्स अँड अकाउंट्स मिळून एकूण मोठ्या प्रमाणात जागा आहेत.

असिस्टंट मॅनेजर (Assistant Manager): सिव्हिल, फायनान्स, आणि कंपनी सेक्रेटरी (CS).

डेप्युटी मॅनेजर (Deputy Manager): मेकॅनिकल, इलेक्ट्रिकल, इलेक्ट्रॉनिक्स, आयटी (IT), मार्केटिंग, पब्लिक रिलेशन्स, आणि आर्टिफिशिअल इंटेलिजन्स.

वरिष्ठ पदे: सीनियर मॅनेजर (सायबर सिक्युरिटी व आयपी), डेप्युटी जनरल मॅनेजर, ॲडिशनल जनरल मॅनेजर (बिझनेस डेव्हलपमेंट) आणि फायनान्स अँड ऑडिट कन्सलटंट.

आवश्यक शैक्षणिक पात्रता (Educational Qualification Criteria)

भरतीमधील विविध पदांचे स्वरूप पाहता प्रत्येकासाठी आवश्यक शैक्षणिक पात्रता वेगळी निश्चित करण्यात आली आहे, जी खालीलप्रमाणे आहे:

१. ज्युनिअर टेक्निशियन (सर्व ट्रेड्स) : उमेदवाराने संबंधित ट्रेडमध्ये (उदा. फिटर, इलेक्ट्रिशियन, वेल्डर इ.) आयटीआय पूर्ण केलेला असावा. राष्ट्रीय व्यावसायिक प्रशिक्षण परिषद (*NCVT) कडून मिळालेले *NTC (National Trade Certificate) किंवा NAC (National Apprenticeship Certificate) असणे बंधनकारक आहे.

२. ज्युनिअर मॅनेजर आणि डेप्युटी मॅनेजर (तांत्रिक पडे) :- मेकॅनिकल / इलेक्ट्रिकल / इलेक्ट्रॉनिक्स / मेटलर्जी / सिव्हिल:* संबंधित इंजिनिअरिंग शाखेमधून मान्यताप्राप्त युनिव्हर्सिटी किंवा इन्स्टिट्यूटमधून B.E. / B.Tech पदवी उत्तीर्ण असावी.

आर्टिफिशिअल इंटेलिजन्स (AI) व IT: कॉम्प्युटर सायन्स इंजिनिअरिंग / आयटी / सॉफ्टवेअर इंजिनिअरिंग किंवा समतुल्य पदवी.

३. ज्युनिअर मॅनेजर (ह्युमन रिसोर्स – HR) :- कोणत्याही शाखेतील पदवीधर (Graduate) + २ वर्षांचा मान्यताप्राप्त MBA (HR) किंवा PG Diploma (Personnel Management / Industrial Relations / Social Work / Social Welfare).

४. फायनान्स आणि मॅनेजमेंट पदे (Finance & Accounts) :-

• ज्युनिअर मॅनेजर (Finance): कॉमर्स (B.Com) किंवा इकॉनॉमिक्स मधील पदवी.
• असिस्टंट मॅनेजर (Finance): कोणत्याही शाखेतील पदवी + २ वर्षांचा MBA (Finance) किंवा संबंधित पीजी डिप्लोमा.
• कंपनी सेक्रेटरी (CS): पदवीधर + ICSI चे असोसिएट/फेलो मेंबरशिपसह कंपनी सेक्रेटरी पात्रता.

समतुल्य इंजिनिअरिंग शाखा (Equivalent Branches): इलेक्ट्रॉनिक्सच्या अंतर्गत इलेक्ट्रॉनिक्स अँड टेलिकम्युनिकेशन, अप्लाइड इलेक्ट्रॉनिक्स पात्र असतील; मेकॅनिकलच्या अंतर्गत प्रॉडक्शन, ऑटोमोबाईल, एरोस्पेस, एरोनॉटिकल इंजिनिअरिंगचे उमेदवारही अर्ज करू शकतात.

वयोमर्यादा आणि वयाची सूट (Age Limit & Relaxations)

उमेदवाराचे वय मोजण्याचा मुख्य आधार २५ जुलै २०२६ (अर्ज करण्याची शेवटची तारीख) हा धरला जाईल.

• ज्युनिअर टेक्निशियन, ज्युनिअर मॅनेजर, असिस्टंट मॅनेजर आणि डेप्युटी मॅनेजर: कमाल वय ३० वर्षे (सर्व सवलतींसह जास्तीत जास्त ५५ वर्षे).
• सीनियर मॅनेजर, DGM, AGM आणि कन्सलटंट: कमाल वय ६५ वर्षांच्या आत असावे.
• सरकारी नियमांनुसार वयात मिळणारी सूट (Category-wise Age Relaxation):
• SC / ST उमेदवार: कमाल वयोमर्यादेत ०५ वर्षांची सूट.
• OBC (Non-Creamy Layer) उमेदवार: कमाल वयोमर्यादेत ०३ वर्षांची सूट.
• दिव्यांग (PwBD) उमेदवार: कमाल वयोमर्यादेत १० वर्षांची सूट.
• माजी सैनिक (Ex-Servicemen): सरकारी नियमांनुसार वयात सूट मिळेल.
• AVNL चे माजी ट्रेड अप्रेंटिस: उमेदवाराने जितका काळ अप्रेंटिसशिपचे ट्रेनिंग घेतले आहे, तितका कालावधी वयोमर्यादेत शिथिल केला जाईल.

दरमहा मिळणारे मानधन आणि इतर भत्ते (Remuneration & Emoluments)

कंत्राटी नोकरी असली तरी पगार अत्यंत कडक आहे! बेसिक वेतनासोबत स्पेशल अलाउन्स आणि मेडिकल सुविधाही मिळणार आहेत:

पदाचे नाव	एकूण मिळणारे वेतन (प्रति महिना)
ज्युनिअर टेक्निशियन	25,050
ज्युनिअर मॅनेजर	34,500
असिस्टंट मॅनेजर	45,000
डेप्युटी मॅनेजर	55,500
सीनियर मॅनेजर	76,500
डेप्युटी जनरल मॅनेजर	87,000
ॲडिशनल जनरल मॅनेजर	1,08,000
कन्सलटंट	1,29,000

अतिरिक्त फायदे (Extra Benefits):

• दरवर्षी ३% वार्षिक वेतनवाढ (Annual Increment) दिली जाईल.
• वर्षाला १८ दिवस अर्जित रजा (Earned Leave) आणि १० नैमित्तिक रजा (Casual Leave) मिळतील.
• PF (भविष्य निर्वाह निधी) आणि ग्रॅच्युइटी (Gratuity) चा लाभ नियमांनुसार मिळेल.
• नोकरीच्या कालावधीत स्वतःसाठी, पत्नीसाठी आणि दोन मुलांसाठी हॉस्पिटलमध्ये ॲडमिट होऊन उपचार घेण्याची इन-पेशंट मेडिकल ट्रीटमेंट (Medical Insurance) सुविधा मोफत दिली जाईल.

निवड पद्धत आणि परीक्षेचे स्वरूप (Selection Process & Exam Pattern)

• गुणांची विभागणी (Weightage)
• परीक्षेचे स्वरूप (Computer Based Test): परीक्षा १०० गुणांची असेल, ज्यामध्ये सर्व प्रश्न वस्तुनिष्ठ बहुपर्यायी (Objective Multiple Choice) स्वरूपाचे असतील. एकूण वेळ २ तास (१२० मिनिटे) दिली जाईल.

तुम्ही येथे “केंद्र सरकारच्या ऋण वसुली अपील न्यायाधिकरण मुंबई अंतर्गत विविध पदांची बंपर भरती 2026” याची संपूर्ण माहिती पाहू शकता : https://totalnaukri.com/central-government-recruitment/